Ռուսաստանի պաշտպանության նախարար Սերգեյ Շոյգուն «հատուկ գործողության» զորքերի միացյալ խմբում խորհրդակցություն է անցկացրել տեղակալների, ՌԴ ԶՈՒ զորատեսակների հրամանատարի հետ՝ զինված ուժերի թվաքանակը մինչև 1,5 մլն զինծառայողով ավելացնելու մասին Ռուսաստանի նախագահի որոշման կատարման հարցերով։ Այդ մասին հայտնել են ռազմական գերատեսչությունում:
ՌԴ նախագահի մամուլի քարտուղար Դմիտրի Պեսկովը հերքել է Ռուսաստանում մասնակի մոբիլիզացիայի նոր ալիքի մասին լուրերը և ասել, որ դրանք գալիս են արտասահմանից:
