Արցախի ԱԺ նախկին պատգամավոր, վերլուծաբան Վահրամ Աթանեսյանը «ֆեյսբուքի» իր էջում գրել է.
«Վահան Բադասյանը համոզված է, որ «ռուսները դուրս չեն գալու այստեղից» (Լեռնային Ղարաբաղից)։
1915-ին էլ Արամ-փաշան էր համոզված, որ ռուսները Վանից դուրս չեն գա, եկել են, որ հավիտյանս մնան։ Բայց ռուսները հեռացան։ Եվ երբ Վանի «գեներալ-նահանգապետ» Արամ փաշան խնդրեց, որ նրանք գոնե հրետանին և կապի միջոցները թողնեն, կոպիտ մերժվեց։ Եվ Վասպուրականից մինչև Իգդիր գաղթի ճանապարհին տասնյակ հազարավոր հայեր սպանվեցին, սովամահ եղան, Բանդիմահու գետում խեղդվեցին։ Հիսուն տարի հետո Գուրգեն Մահարին գրեց «Այրվող այգեստաններ» վեպը, և նրանք, որ ոչ Վան էին տեսել, ոչ՝ Արամ փաշա, ոչ՝ գաղթ ու ավեր, գրախոսեցին, որ Մահարին «խեղաթյուրում է պատմական անցյալը»։ Մահարին, պարզվում է, իր կյանքը «խեղաթյուրում» էր, իսկ Արամ փաշայի արձանը Երևանի կենտրոնում բարձրացնողները՝ «վերահաստատում պատմական հերոսամարտը»։
Սինդրոմը չպետք է կրկնվի»։
