Չորեքշաբթի, 28 Սեպտեմբերի 2022

USD404.94

EUR384.47

RUB6.42

Երևան 17 ℃

Рус Eng

Այս պահին Ալիևի նկատմամբ ռեալ ճնշում գալիս է բացառապես ԱՄՆ-ից և, մի փոքր էլ, Իրանից

Սոցցանցեր

14 Սեպտեմբերի, 11:25

Ամերիկագետ Սուրեն Սարգսյանը «Ֆեյսբուքի» իր էջում գրել է.

«Այս պահին Ալիևի նկատմամբ ռեալ ճնշում գալիս է բացառապես ԱՄՆ-ից և, մի փոքր էլ, Իրանից 
Պետդեպի և Սպիտակ տան հայտարարություններն առավել հասցեական են, տողատակերն՝ ավելի հստակ։ Ալիևին հասկացնում են, որ ԼՂ խնդիրն ԱՄՆ-ում դեռ լուծված չեն համարում և գիտեն, թե ով է ռազմական գործողությունների նախաձեռնողը։ Այս ամենը, բնականաբար, չի արվում մեր սիրուն աչքերի կամ փայլուն դիվանագիտության համար։ ԱՄՆ-ն ունի իր տարածաշրջանային շահերը, դեմոկրատական վարչակազմն՝ իրենը։ 
Ամենից զատ՝ ԱՄՆ-ին դուր չի գալիս Ալիևի անադեկվատ պահվածքն ու հայտարարություններ՝ ուղղված Մինսկի խմբին և, մասնավորապես, ԱՄՆ համանախագահությանը։ Ամերիկացիները Ալիևին բացատրում են, որ նա չէ որոշողը, թե ինչպիսին պետք է լինի ՄԽ ապագան։ 
ԱՄՆ նախագահն ամեն առավոտյան (բառիս բուն իմաստով) ստանում է հետախուզական տասնյակ գործակալությունների՝ ամերիկյան հետաքրքրությունների շրջանակներում գտնվող տեղեկություններն ու վերլուծականներն աշխարհի ամենատարբեր ծայրերի մասին։ Այսինքն, որևէ պետության որևէ զինվորական մեքենա աննկատ չի կարող հատել այլ պետության սահման։ Այնպես որ, խաբելն անիմաստ է, ԱՄՆ-ն ավելի շատ հատուկ ծառայությունների աշխատակիցներ ունի, քան Ադրբեջանը՝ բնակչություն, հետևաբար ալիևյան տեղեկատվական դիվերսիաները գերտերությունների համար չեն։ 
Ինչ վերաբերում է հեռախոսային խոսակցություններին, ապա փորձը ցույց է տալիս, որ հանրային դիվանագիտական ձևակերպումները սովորաբար առավել մեղմ կարող են լինել, քան հեռախոսային խոսակցության սղագրությունը։
Խորհրդանշական է այն, որ ամերիկացիները համանախագահ են նշանակում՝ գիտակցելով, որ մյուս կողմի համանախագահը Ռուսաստանն է, այսինքն պատրաստ են նաև համագործակցել Ռուսաստանի հետ։
Այստեղ կարևոր է Հայաստանի դիրքորոշումը ՄԽ հարցում։ Եթե Հայաստանն էլ է Ադրբեջանի օրինակով ուզում թաղել ՄԽ-ն, նշանակում է՝ այդ գործը կրկնակի հեշտանում է։ 
Ինչ վերաբերում է Թեհրանին, ապա Իրանի հայտարարություններն էլ, բնականաբար, անհանգստացնում են Ալիևին, և չեմ բացառում, որ Նախիջևանի ուղղությունից գործողություններ չանելը կարող է պայմանավորված լինել հենց դրանով»։

Քերոբ Խաչատրյան

Շտապողական հայտարարությամբ ո՞ւմ է օգնում Հայ դատի հանձնախումբը

Արման Գալոյան

Նրանց պետք է իշխանություն, թեկուզ՝ առանց պետության