Տեսակետ
ԱՄՆ-ն կասկածի տակ է դնում Ադրբեջանի՝ Հայաստանի հետ հարաբերությունները կարգավորելու ջանքերի ազնվությունը
ԱԺ նախկին պատգամավոր Անի Սամսոնյանը «Ֆեյսբուքի» իր էջում գրել է.
«Երեկ Ադրբեջանի ԱԳՆ մամուլի քարտուղար Լեյլա Աբդուլաևան հայտարարեց, որ
«գրեթե չգործող Մինսկի խումբը վերակենդանացնելու փորձերը կարող են հանգեցնել Ադրբեջանի և Հայաստանի հարաբերությունների կարգավորման գործընթացից ԱՄՆ-ի հեռացման»:
Այսօր ԱՄՆ պետդեպարտամենտից պատասխանել են այդ հայտարարությանը, թե նման քայլերը «չեն կարող նպաստել հայ-ադրբեջանական հարաբերությունների կարգավորմանը» և հիշեցրել են տարածաշրջանում խաղաղության վերականգման՝ իրենց հանձնառության մասին:
Այս երկու-երեք տող հաղորդագրության մեջ կասկածի տակ է դրվում Ադրբեջանի՝ Հայաստանի հետ հարաբերությունները կարգավորելու ջանքերի ազնվությունը և վերահաստատում, որ ԱՄՆ-ն այս տարածաշրջանից հեռացողը չի, իսկ հեռանալ-չհեռանալու հարցը առհասարակ Ադրբեջանի որոշելիքը չի»:
