Տեսակետ
Ողջունում ենք ոչ իշխանական երկու խմբակցությունների՝ Խորհրդարան վերադառնալու որոշումը․ Արման Բաբաջանյան
Ողջունում ենք խորհրդարանական փոքրամասնություն կազմող ոչ իշխանական երկու խմբակցությունների՝ առաջիկա սեպտեմբեր ամսից Խորհրդարան վերադառնալու և աշխատանքները այնտեղ շարունակելու՝ նախօրեին հանրայնացված որոշումը։ Այս մասին գրառում է կատարել «Հանուն Հանրապետության» կուսակցություն նախագահ Արման Բաբաջանյանը։
«Ուրախ ենք, որ երկուստեք՝ իշխող և ոչ իշխանական խմբակցությունները վերջին ամիսների լարված ներքաղաքական շրջափուլը հաղթահարելուն ուղղված անհրաժեշտ հասունություն և իմաստնություն հանդես բերեցին, որի հիմքում վստահ ենք մեր պետության առջև ծառացած լրջագույն սպառնալիքները միասնաբար հաղթահարելն է։
Ներքաղաքական, կուսակցական շահին միտված քաղաքական օրակարգերը պետք է ստորադասվեն միայն և բացառապես արտաքին վտանգները, արտաքին սպառալիքներն ու մարտահրավերները միասնաբար հաղթահարելուն։
Հանուն Հանրապետության կուսակցությունն իր ողջ կարողությամբ և ներուժոց պատրաստ է պետության ծառայության գործին հենց այդպիսի հանձնառության թիկունքին կանգնել»,-գրել է նա։
