Տեսակետ
«Գոլդեն Փելիս» հյուրանոցը դառնում է «MERCURE» համաշխարհային ցանցի մի մասը
ՀՀ ԱԺ «ՔՊ» խմբակցության պատգամավոր Վաղարշակ Հակոբյանը «Ֆեյսբուք» իր էջում գրել է․
«Ամիսներ առաջ մեծ քննարկումների տեղիք տվեց պետության կողմից Ծաղկաձորի արդեն նախկին «Գոլդեն Փելիս» հյուրանոցի վաճառքը։
Կոմերցիոն տնօրեն Կարապետ Տեր-Հակոբյանի ուղեկցությամբ այսօր հատուկ այց եմ կատարել հյուրանոց, հետևել եմ համալիր շինարարական աշխատանքներին, ինչպես նաև ամենայն մանրամասնությամբ ծանոթացել լայն թափով ընթացող կոնստրուկտիվ մեծամասշտաբ աշխատանքներին և պետության հանդեպ ներդրումային պարտավորությունների իրականացման գործընթացին։ Հանրահայտ հյուրանոցի նախագիծն այժմ վերականգնման և վերակառուցման փուլում է:
Ամիսներ առաջ կնքվեց պայմանագիր նաև համաշխարհային նշանակության «MERCURE» բրենդի հետ, որով «Գոլդեն Փելիս» հյուրանոցը դառնում է «MERCURE» համաշխարհային ցանցի մի մասը, որը արձանագրում է այն նշանակալից փաստը, թե որքան կարևոր է այդ բրենդի՝ մեր երկրում լինելը»։
