Արցախի ԱԺ նախկին պատգամավոր, ԱԺ արտաքին հարաբերությունների հանձնաժողովի նախկին նախագահ, հրապարակախոս Վահրամ Աթանեսյանը «Ֆեյսբուքի» իր էջում գրել է.
«Ռուսաստանյան լրատվամիջոցները երեկվանից ակնարկներ են անում, որ հուլիսի 15-ին Պետդումայի և Դաշնային խորհրդի չծրագրված նիստեր են գումարվելու՝ «հնարավոր է՝ կադրային փոփոխությունների հարցով»։ Խոսքն, ըստ երևույթին, Միշուստինի հրաժարականի և նոր կառավարության ձևավորման մասին է։ Կադրային մյուս հարցերը, այդ թվում՝ նախարարի պաշտոնանկությունը և նորի նշանակումը սահմանդրությամբ կատարվում է ՌԴ նախագահի հրամանագրով»։
