Տեսակետ
ԱՄՆ նոր դեսպանի թեկնածության հարցը շատ ավելի ուշագրավ է՝ բոլորովին այլ հանգամանքով
Քաղաքական մեկնաբան Հակոբ Բադալյանը «ֆեյսբուքի» իր էջում գրել է.
«ԱՄՆ նոր դեսպանի թեկնածության հարցում նախագահ Բայդենի որոշումը Հայաստանում ուշադրության է արժանացել առավելապես նրանով, որ դեսպանի թեկնածու Քրիստինա Քվիենը 2020-2022թթ. եղել է Ուկրաինայում ԱՄՆ դեսպանի պաշտոնակատար:
Մինչդեռ, Բայդենի որոշումը շատ ավելի ուշագրավ է՝ բոլորովին այլ հանգամանքով: 30-ամյա դիվանագիտական փորձառությամբ Քրիստինա Քվիենը «մասնագիտացած» է տնտեսական և էներգետիկ հարցերում: Ահա այդ հանգամանքն է, որ առանցքային ուշադրության է արժանի և կարող է լինել ամերիկյան պատկերացումների շոշափելի ինդիկատոր:
Ընդ որում, կարծում եմ, այդ հանգամանքը ողջունելի է: Հայ-ամերիկյան հարաբերության հիմքը պետք է տնտեսական ռացիոնալ գործակցության խորացումը լինի՝ առանց վերամբարձ հռչակագրերի, հանդարտ, բարդ և նուրբ տնտեսական աշխատանքը:
Բայց, իհարկե, այդ հարցում միայն դեսպանի հանգամանքը բավարար չէ։ Պարզապես տվյալ պարագայում այն հատկանշական է՝ ամերիկյան հայացքը դիտարկելու տեսանկյունից»:
