Տեսակետ
Ում հետաքրքիր է ընդդիմության «Պլան Բ»-ն, առաջարկում եմ ընթերցել «Դրո» ահաբեկչական խմբի, «30+1» և Հոկտեմբերի 27-ի գործերով քրեական հատորները․ Բաբաջանյան
«Հանուն հանրապետության» կուսակցության նախագահ Արման Բաբաջանյանը «Ֆեյսբուքի» իր էջում գրել է.
«Ընդդիմությունը» պլան «Ա»-ն՝ Արցախի և Հայաստանի փրկության շուրջ հանրային մոբիլիզացիան ձախողել է։ Տոտալ ֆիասկոյից ուշքի չգալով՝ գործի է դրվել պլան «Բ»-ն։ Թե որը կարող է լինել այդ պլանը, առաջարկում եմ ուշադրությամբ հետևել Մոսկվայից Սեմյոն Բաղդասարովին և վստահաբար ուրիշներին, ովքեր Հայաստանը վերջնական օկուպացնելու անթաքույց կոչեր են հնչեցնում և որպես գործակից՝ դիտարկում են խորհրդարական «ընդդիմությանը»։
Բոլոր նրանց, ում իսկապես հետաքրքիր է ընդդիմության «Պլան Բ»-ն, առաջարկում եմ ձեռքի հետ ընթերցել «Դրո» ահաբեկչական խմբի, 30+1 և Հոկտեմբերի 27-ի գործերով քրեական հատորները, որով անցնում են կարկառուններ, ովքեր այսօր էլ չափազանց կարևոր դերակատարներ են Ֆրանսիայի հրապարակում։ Այս ամենը գնալով դառնում է չափազանց վտանգավոր։
Նրանք, ովքեր հանուն Հայաստանի փրկության որոշել էին սպանել Լևոն Տեր-Պետրոսյանին և Վազգեն Սարգսյանին, ավելի ուշ հասան Սպարապետ Վազգեն Սարգսյանի և Կարեն Դեմիրճյանի սպանությանը, այսօր Երևանի հրապարակներում են, իսկ իշխանությունը սրանց մասնակցությամբ այլանդակությունները հանդուրժում է ու անունը դնում ժողովրդավարություն։ Ամենաթողությանը ժողովրդավարություն մի ըսեր, մեղք է»։
