Քաղաքական մեկնաբան Հակոբ Բադալյանը «Ֆեյսբուքի» իր էջում գրել է.
«Բայդենը Դեմոկրատական կուսակցության հետ հանդիպմանը ասել է, որ Պուտինը «հաշվենկատ մարդ է», և իրեն (Բայդենին) մտահոգող խնդիրն այժմ այն է, որ Ուկրաինայի հարցում Պուտինը ելք չունի. «Փորձում եմ հասկանալ՝ ինչ անել դրա հետ»,- ասել է Բայդենը:
Սա նրա առանցքային հայտարարություններից մեկն է. այլ կերպ ասած՝ ելքի շուրջ որևէ պայմանավորվածության գալու տարբերակ: Իհարկե, կասկած չունեմ, որ այդ «պայմանավորվածության» պրոցեսը ևս տեղի է ունենալու ռազմի դաշտում: Հարցն այն է, թե ինչ կառաջարկի ԱՄՆ-ն, ինչին կհամաձայնի Ռուսաստանը: Մի բան ակնառու է, որ պատերազմն Ուկրաինայում ընթանում է ոչ թե «ինքնաոչնչացման», այլ՝ նոր աշխարհակարգի շուրջ պայմանավորվածությունների գալու բարդ, պատերազմական տրամաբանությամբ:
Պարզ է, որ Պուտինի համար «ելք» չի կարող լինել Ուկրաինան ամբողջապես թողնելը: Հետևաբար, Բայդենի հայտարարությունը առաջացնում է հարց, թե ինչ հարաբերակցությամբ է «բաժանվելու» Ուկրաինան, և ինչ հարաբերակցությամբ է լինելու ազդեցությունը այլ կարևոր ռեգիոնների, այդ թվում՝ Կովկասի վրա»:
