Տեսակետ
Մայրաքաղաքի արվարձաններում ու հանրապետության շրջաններում փողոցների փակման փորձեր չեն նկատվել
«Իրազեկ քաղաքացիների միավորում» ՀԿ համակարգող Դանիել Իոաննիսյանը «Ֆեյսբուքի» իր էջում գրել է.
««Իրազեկ քաղաքացիների միավորման» թիմը ժամը 8:30-ից տեղերում հետևում է բողոքի գործողություններին: Այս ընթացքում միայն Երևանի կենտրոնում և Արաբկիրում են փակվել փողոցներ: Մայրաքաղաքի արվարձաններում ու հանրապետության շրջաններում փողոցների փակման փորձեր չեն նկատվել:
Ժամը 10:00-ի դրությամբ մայրաքաղաքի կենտրոնում պարբերաբար փակվում և, ապա, ոստիկանների կողմից բացվում են տարբեր փողոցներ, առավել կայուն փակ է Ֆրանսիայի հրապարակը (վրաններով) ու Կիևյան փողոցը (բեռնատարներով):
Ոստիկանների կողմից փողոցները բացվելիս կիրառվում է ֆիզիկական ուժ (երբեմն՝ նաև անհամաչափ): Հատուկ միջոցների կիրառում չի նկատվել: Համարյա բոլոր դեպքերում, ուժ գործադրելուց առաջ, ոստիկաններ բանավոր առաջարկում են փողոցը բացել, բայց, ցավոք սրտի, լինում են նաև դեպքեր, երբ ուժը գործադրվում է՝ առանց նախազգուշացման:
Նկատվել են դեպքեր, երբ ցուցարարները նոր փակված փողոցներում վեճի են բռնվել վարորդների հետ, բայց այն ընդհատվել է ոստիկանների ժամանումից հետո»:
