Տեսակետ
ՌԴ ՊՆ քարտեզով Արցախից դուրս մնաց Բերձոր քաղաքը. մեր «փրկիչները» ծպտուն չեն հանելու
«Ադեկվադ» միաբանության հիմնադիր Արթուր Դանիելյանը «Ֆեյսբուքի» իր էջում գրել է.
«Հանուն Արցախի, Հայաստանի, հայու գենի անվտանգության կատաղի մարտեր տվող մեր փրկիչները, անհասկանալի պատճառներով, բացարձակ խնդիր չեն տեսնում ամեն օր Արցախի կտորները Ադրբեջանին տալու հետ: Երեկ, օրինակ, ՌԴ ՊՆ-ն քարտեզ տարածեց, ըստ որի՝ Արցախի սահմանից դուրս մնաց Բերձոր քաղաքը, մի քանի օր առաջ Ադրբեջանը զբաղեցրեց Մարտակերտի ևս մի մաս, դե, իսկ ռուս խաղաղապահների կողմից բազմիցս «ազատագրված» Փարուխի ու Քարագլուխի հարցն արդեն փակ է:
Մեր փրկիչներն ինչպես ծպտուն չէին հանում, այդպես էլ չեն հանելու, որովհետև դրա հրահանգը չունեն Մոսկվայից: Միակ բանը, որ նրանք իրոք պատրաստ են փրկել, դա Մոսկվայի ներկայությունն է Կովկասում: Այդ պատրաստակամությունն էլ բխում է սեփական կապիտալը փրկելու մոլուցքից: Բայց էդ կապիտալը պետք է, որպեսզի դա վայելես, իսկ վայելելու համար պիտի ողջ, առողջ ու ազատ լինես... Էդ է պատճառը, որ փրկել ուզում են, բայց՝ պարտադիր ուրիշի, հիմնականում, միամիտ մարդկանց քամակով»:
