Արցախի նախկին արտգործնախարար Մասիս Մայիլյանը «Ֆեյսբուքի» իր էջում գրել է.
«Անցած շաբաթ օրը հրավիրվել էի մասնակցելու Արցախի կառավարության նիստին, որը վարել է նախագահ Հարությունյանը։
Տվել եմ ստեղծված իրավիճակի՝ իմ գնահատականը, ներկայացրել դրանից դուրս գալու՝ իմ պատկերացրած ուղիները։
Կարծում եմ՝ անհրաժեշտ է հանրության համախմբում, մարդկային, մտավոր, ֆինանսական, նյութատեխնիկական և այլ ռեսուրսների հավաքագրում, պետական բոլոր հաստատությունների թիմային, առավելագույնս համակարգված աշխատանք, խոհեմ արտաքին և անվտանգային քաղաքականության իրականացում։
Վստահ եմ՝ այս և այլ ձեռնարկվող քայլերը մեր երկրին թույլ կտան արժանապատվորեն դուրս գալ ներկայիս ճգնաժամային իրավիճակից»։
