«Ադեկվադ» միաբանության հիմնադիր Արթուր Դանիելյանը «Ֆեյսբուքի» իր էջում գրել է.
«Երեք օր է՝ ռուսական և իսրայելական զլմ-ները պնդում են, որ Իրանը հրթիռակոծել է ամերիկյան բազաներն Իրաքում: Նրանց չխանգարեց նույնիսկ այն փաստը, որ ԱՄՆ Պետդեպը հայտարարեց, որ որևէ տեղեկություն չունի այն մասին, որ Իրանը թիրախավորել է ամերիկյան բազաները:
Իսկ երեկ հայտնի դարձավ, որ Բրիտանիան Իրանին է վերադարձրել դեռևս 1979թ.-ից սառեցված 400 մլն ֆունտ ստերլինգը: Իրանն, իր հերթին, արտահանձնել է Բրիտանիայի երկու քաղաքացու, որոնք դատապարտվել էին լրտեսության համար: Գործընթացը չխափանեց նույնիսկ Լավրովի սաբոտաժը՝ միջուկային գործարքի շրջանակներում:
Այս ամենից սարսափում են ոչ միայն Իսրայելում, այլև՝ Սաուդյան Արաբիայում, որտեղ հասկանում են, որ իրենց նավթային դրախտի վերջն եկել է: Իրանն այսուհետ միանձնյա է կառավարելու մահմեդական աշխարհը:
Սա, բնական է, նշանակում է, որ Կովկասում նույնպես վերադասավորում է լինելու»:
