Քաղաքագետ Տիգրան Գրիգորյանը «Ֆեյսբուքի» իր էջում գրել է.
«Ադրբեջանցիները երեկ նոր քարոզչական ֆեյք են մտցրել դաշտ: Ռուսական ռազմական շարասյան մի տեսանյութ են տեղադրել, ենթադրաբար, Լաչինի միջանցքից՝ նշելով, որ Լեռնային Ղարաբաղում տեղակայված խաղաղապահ ուժերի մի մասը ուղարկվում է Ուկրաինա: Այդ ֆեյքն ակտիվորեն սկսել են տարածել ուկրաինական ու վրացական ծագմամբ պրոադրբեջանական լոբբիստները (Taras Kuzio, Alex Melikishvili), ինչպես նաև որոշ հայ useful idiot-ներ:
Ադրբեջանի նպատակը պարզ է: Փորձում է թիրախավորել խաղաղապահ առաքելությանը ու ապալեգիտիմացնել այն: Այս վտանգի մասին վերջերս գրել էի: Զարմանալին միայն այն է, որ նմանատիպ պրիմիտիվ ֆեյքերը հայկական լրատվական ու վերլուծական դաշտ էլ են մտնում»։
