Հասարակություն
Արշակ արքեպիսկոպոսը կմնա կալանքի տակ. վերաքննիչը մերժել է պաշտանի բողոքը
Վերաքննիչ քրեական դատարանը (նախագահությամբ Վաչե Մարգարյանի) մերժել է Մայր Աթոռի դիվանապետ Արշակ արքեպիսկոպոս Խաչատրյանի կալանքի դեմ իմ բողոքը՝ նրան թողնելով կալանքի տակ. հայտնել է պաշտպան Արսեն Բաբայանը։
Նրա գնահատմամբ, սա ամենևին անսպասելի չէր։
«Հատկանշական է, որ անսպասելի չէր անգամ այն պայմաններում, երբ դատախազի կողմից քրեական հետապնդում հարուցելու մասին կայացված որոշմանը ծանոթանալիս ակնհայտ է դառնում, որ որևէ հանցանք չի կատարվել։ Անգամ այն պայմաններում, եթե այդ որոշմամբ նկարագրված արարքները օբյեկտիվ իրականության մեջ տեղի ունեցած լինեին (սա բացառվում է, չի եղել), ապա հենց այդ պայմաններում ակնհայտ է, որ հանցավոր արարք չի կատարվել»,- հայտնել է պաշտպանը։
Հիշեցնենք՝ Արշակ արքեպիսկոպոսի նկատմամբ քրեական հետապնդում է հարուցվել մի խումբ անձանց կողմից նախնական հանաձայնությամբ թմրամիջոց ապօրինի իրացնելու համար։
