ՀՀ աշխատանքի ու սոցիալական հարցերի նախարար Արսեն Թորոսյանը հայտնել է, որ կենսաթոշակառուներն ու նպաստառուները կարող են 22% հետվճար ստանալ, եթե իրենց Visa կամ Master քարտերը փոխարինեն Arca վճարային քարտով։
Նրա խոսքով, հունվարի 1-ից հետվճարի չափը փոխվել է և կազմում է 20% (մինչև 10,000 դրամ), սակայն Arca քարտով անկանխիկ առևտուր անելու դեպքում գործում է լրացուցիչ 2% հետվճարի ծրագիրը։ Այս դեպքում, ըստ Թորոսյանի, ամսական հետվճարի չափը կարող է տատանվել մինչև 60,000 դրամի շրջանակներում։
«Դուք կարող եք ձեր կենսաթոշակներն ու նպաստներն
այդքան չափով բարձրացնել, դրա համար պարզապես պետք է անկանխիկ առևտուր իրականացնել»,- ասել է նա՝ հավեելով,-«Եթե մեր կենսաթոշակառուները և նպաստառուները իրենց Visa կամ Master քարտերը փոխարինեն Arca տեսակի քարտերով, ապա նրանք կարող են ստանալ ոչ թե 20% հետվճար, այլ 22% հետվճար»,- ասել է նա։
Arca քարտերով հետվճարի ծրագիրը կգործի այս տարվա փետրվարից։
