Եթե տոնական աղմուկը մոռացության է տվել Սուրբ Ծննդյան իրական իմաստը, այս ավանդույթները հիշեցնում են, որ տոնը կարող է լինել ոչ թե նյութական, այլ զգացմունքային ու համայնքային։ Radar Armenia-ն ընտրել և ներկայացնում է դրանք.
Իսլանդիա - գրքեր և ընթերցում մոմի լույսի տակ
Դեկտեմբերի 24-ին ընտանիքները փոխանակում են գրքեր և երեկոն անցկացնում ընթերցելով՝ հաճախ տաք շոկոլադի կամ այլ խմիչքի ուղեկցությամբ։ Այս ավանդույթը, որը կոչվում է «Jólabókaflóð» (Գրքային հեղեղ), դարձել է տոնի գլխավոր խորհրդանիշը:
Ճապոնիա - ռոմանտիկ երեկո սիրելիի հետ
Ճապոնիայում Սուրբ Ծնունդը ավելի շատ սիրահարների տոն է։ Զույգերը նշում են այն ռոմանտիկ ընթրիքով, տոնական լուսավորություններով և հատուկ ելակով տորթով (strawberry shortcake):
Ավստրալիա - ընտանեկան կրիկետ ամառային շոգին
Ամառային Սուրբ Ծնունդ. Ընտանիքները հավաքվում են բակում և խաղում կրիկետ՝ առանց մրցակցության, միայն հաճույքի և միասնության համար:
Ֆինլանդիա - այց նախնիներին գերեզմանատուն
Սուրբ Ծննդյան նախօրեին շատ ընտանիքներ այցելում են գերեզմաններ և մոմ վառում հեռացած հարազատների հիշատակին՝ ստեղծելով խաղաղ ու լուսավոր մթնոլորտ:
Ուկրաինա - սարդոստայնային զարդեր տոնածառին
Տոնածառին փայլուն սարդոստայն կամ սարդի զարդեր կախելը խորհրդանշում է բարեբախտություն: Ավանդույթը գալիս է «Սուրբ Ծննդյան սարդի» լեգենդից, որտեղ սարդոստայնը վերածվում է ոսկու և արծաթի:
Վենեսուելա - եկեղեցի սկեյթներով (հիմնականում Կարակասում)
Դեկտեմբերի 16-24-ը մարդիկ, հաճախ սկեյթներով կամ գլանափայլերով, սահելով գնում են վաղ առավոտյան տոնական պատարագի՝ ստեղծելով ուրախ և միասնական մթնոլորտ: Փողոցները փակվում են մեքենաների համար՝ անվտանգության համար:
