«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը գրում է․
««Երրորդ բևեռ» պայմանական անվանում այն տարածաշրջանի, որտեղ, Հիմալայների կլիմայի և ջրային ռեսուրսների ատլասի տվյալներով, կենտրոնացված է շուրջ 6000 խորանարդ կիլոմետր սառցադաշտային սառույց։ Սա սառեցված ջրի ամենամեծ պաշարն է Հյուսիսային և Հարավային բևեռներից դուրս։
Այն բացառիկ արժեք ունեցող ջրային շտեմարան է, որը միավորում է Աֆղանստանը, Բանգլադեշը, Պակիստանը, Բութանը, Չինաստանը, Հնդկաստանը, Մյանման և Նեպալը, ինչպես նաև Ասիայի 10 խոշորագույն գետերը՝ Ինդոսից մինչև Յանցզի»։
