Շրջակա միջավայրի նախարարությունը և «Հայանտառ» ՊՈԱԿ-ը հրավիրում են մասնակցելու «Նոր կյանք թափոնին» միջոցառմանը, որը տեղի կունենա դեկտեմբերի 24-ին, ժամը 14։00-ին՝ Բնության պետական թանգարանում։
«Թափոնին նոր կյանք տալը ստեղծարար մտածողության և բնապահպանական պատասխանատվության համադրություն է։
Շրջակա միջավայրի նախարարության մասնագետները միջոցառման ընթացքում կներկայացնեն թե՛ տեսական, թե՛ գործնական մոտեցումներ, որոնք կօգնեն ձևավորել թափոնների պատասխանատու կառավարման մշակույթ և թափոնին տալ նոր կյանք։
Թափոնն արժեքի վերածելով՝ մենք
- նպաստում ենք շրջակա միջավայրի պահպանմանը,
- խթանում ենք վերամշակման մշակույթի զարգացումը,
- նվազեցնում ենք թափոնների բացասական ազդեցությունը,
- ձևավորում ենք էկոլոգիապես պատասխանատու վարքագիծ։
Միջոցառման մասնակցության վերաբերյալ տեղեկություններ կարող եք ստանալ՝ զանգահարելով 011 818 555 /5170/»։
