Հասարակություն
Պոլիտեխնիկում փոփոխությունները տեսանելի և շոշափելի արդյունքներ են տալիս․ Տիգրան Ավինյան
Վերջին տարիներին Պոլիտեխնիկում տեղի ունեցող փոփոխություններն իրապես տեսանելի և շոշափելի արդյունքներ են տալիս, որոնք, վստահաբար նպաստելու են ուսանողների գիտելիքների և հմտությունների զարգացմանը: Այս մասին սոցցանցի իր էջերում գրել է Երևանի քաղաքապետ Տիգրան Ավինյանը՝ կից ներկայացնելով տեսանյութ։
«Պոլիտեխնիկի ռազմավարության առանցքային ուղղություններից են ոչ միայն մասնագիտական կրթության բարելավումը, այլ նաև խորացված անգլերեն լեզվի ամբիոնի ստեղծումը, ինչպես նաև TOEFL iBT, GRE և IELTS (International English Language Testing System) պաշտոնական քննական կենտրոնների հիմնումը։
Քննական կենտրոնները կահավորված են գերժամանակակից տեխնիկայով և ստեղծված են այնպես, որ յուրաքանչյուր մասնակից կարողանա քննությունը հանձնել հարմարավետ և արդյունավետ պայմաններում։ Այսօր Պոլիտեխնիկն առաջարկում է միջազգային մակարդակի բարձր որակավորում ստանալու հնարավորություն՝ բացելով նոր դռներ մասնագիտական զարգացման համար»,- գրել է քաղաքապետը։
