Դեկտեմբերի 17-ին տեղի կունենա Project Management Awards 2025 միջոցառումը, որի հատուկ հյուրն է PMI-ի նախագահ Պիեր Լե Մանը։
Հայաստանում Նախագծերի կառավարման մրցանակաբաշխությունը այս տարի կանցկացվի դեկտեմբերի 17-ին «Առնո Բաբաջանյան» համերգասրահում։
«Նախագծերի կառավարման համաժողով և մրցանակաբաշխություն 2025»-ը կազմակերպվել է PMI Հայաստանի կողմից։ Միջոցառման հատուկ հյուրն է PMI-ի նախագահ և գլխավոր գործադիր տնօրեն Պիեր Լը Մանը։
Միջոցառման նպատակն է միավորել նախագծերի կառավարման ոլորտի մասնագետներին և մրցանակ շնորհել տարվա լավագույն Նախագծի Ղեկավարներից մի քանիսին։
4 անվանակարգերն են՝
- Տարվա Նախագծի Ղեկավար (Project Manager of the Year)
- Նախագծի Ղեկավար՝ նորարարություն (Project Manager for Innovation)
- Նախագծի Ղեկավար՝ սոցիալական ազդեցություն (Project Manager for Social Impact)
- Նախագծի Ղեկավար՝ կայունություն (Project Manager for Sustainability)
Մրցանակաբաշխության ժյուրիի անդամներից է Evocabank-ի Վարչության նախագահի տեղակալ Տաթևիկ Խաչատրյանը։
Evocabank-ը հանդիսանում է Project Management Awards 2025-ի գլխավոր գործընկերը։
Բանկը մշտապես խթանում է PMI-ի զարգացումը Հայաստանում, հովանավորելով նախորդ տարի իրենց կողմից կազմակերպված ոլորտի ամենամեծ կոնֆերանսն ու գրքի շնորհանդեսը։
Եթե ցանկանում եք ներկա գտնվել մրցանակաբաշխությանը և ծանոթանալ ոլորտի առաջատար մասնագետների հետ, կարող եք ձեռք բերել տոմսերը հետևյալ հղումով։
