Թեյով, սուրճով, հատապտուղներով, ընկույզով, կակաոյով, ամբողջական հացահատիկներով և ձիթապտղի յուղով հարուստ սննդակարգը կարող է զգալիորեն բարելավել սրտի առողջությունը երկարաժամկետ հեռանկարում: Այս եզրակացությանն են հանգել Լոնդոնի Քինգս քոլեջի հետազոտողները: Ուսումնասիրությունը հրապարակվել է BMC Medicine ամսագրում:
Ավելի քան տասը տարի գիտնականները հետևել են TwinsUK խմբի ավելի քան 3100 մասնակիցների: Նրանք, ովքեր հետևել են պոլիֆենոլներով հարուստ սննդակարգի, ունեցել են ավելի լավ արյան ճնշում և խոլեստերինի մակարդակ, ինչը արտացոլվել է սրտանոթային հիվանդությունների կանխատեսված ավելի ցածր ռիսկի մեջ: Առաջին անգամ այս տվյալները համեմատվել են պոլիֆենոլային մետաբոլիտների՝ մոլեկուլների մեզի մակարդակի հետ, որոնք առաջանում են, երբ պոլիֆենոլները քայքայվում են մարմնում: Այս միացությունների, մասնավորապես ֆլավոնոիդային ածանցյալների և ֆենոլաթթուների ավելի բարձր կոնցենտրացիաներ ունեցող մարդիկ ունեցել են սրանոթային հիվանդությունների ավելի ցածր ռիսկ և «լավ» խոլեստերինի ավելի բարձր մակարդակ:
Պրոֆեսոր Անա Ռոդրիգես-Մատեոսի խոսքով՝ պոլիֆենոլներով հարուստ սննդակարգին երկարատև հետևելը կարող է զգալիորեն դանդաղեցնել սրտանոթային խնդիրների ռիսկի տարիքային աճը, և նույնիսկ փոքր, բայց հետևողական սննդակարգի փոփոխությունները, օրինակ՝ հատապտուղների, ընկույզների կամ թեյի ավելի հաճախակի օգտագործումը, զգալի օգուտներ են տալիս:
