Շվեյցարիայից թոշակառու կինը մեծ գումար է փոխանցել մի տղամարդու՝ կարծելով, թե նա հոլիվուդյան աստղ Բրեդ Փիթն է։ Այդ մասին հայտնում է Daily Mail-ը։
Պատրիսիա անունով կինը պատմել է, որ կեղծ Բրեդ Փիթի հետ նամակագրությունը սկսել է սկսել 2024 թվականի մայիսին։ Նա հետևել է դերասանի պաշտոնական Instagram-յան էջին և շուտով հաղորդագրություն է ստացել Հոլիվուդյան աստղի ենթադրյալ մենեջերից։ Վերջինն առաջարկել է անձամբ հանդիպել նրա հետ։ Պատրիսիան համաձայնվել է։
Կենսաթոշակառուի խոսքով՝ «Բրեդ Փիթի» հետ իր նամակագրությունը շուտով ավելի ռոմանտիկ է դարձել։ Խաբեբան հետաքրքրվել է կնոջ կյանքով և հավատացրել, որ սիրահարված է նրան։
Անձնական հանդիպման մասին քննարկման ժամանակ կեղծ Բրեդ Փիթը պնդել է, որ իր ղեկավարությունը մեծ գումար է խնդրել իրենց հանդիպման համար։ Պատրիսիան հավատացել է նրան և ուղարկել գումարը։ Ընդհանուր առմամբ, կինը ավելի քան 90,000 ֆունտ ստեռլինգ է փոխանցել խաբեբային։
Ավելի ուշ «Բրեդ Փիթը» Պատրիսիային հրավիրել է հանդիպելու Միացյալ Նահանգներում: Կինը հավաքել է իր ճամպրուկները և մեկնել Լոս Անջելես: Սակայն նա երեք շաբաթ միայնակ անցկացրել է հյուրանոցում: Վերադառնալով Շվեյցարիա՝ կինը հասկացել է, որ խաբեության զոհ է դարձել և դիմել է ոստիկանություն։
