Նոյեմբերի 28-ին ՀՀ Ներքին գործերի նախարարության ոստիկանության քրեական ոստիկանության գլխավոր վարչության Երևանի քրեական վարչությունում հետախուզում է հայտարարվել Երևանի բնակիչ 48-ամյա Գրիգորի Խաչատուրովի նկատմամբ, հայտնում է Shamshyan.com-ը։
Ըստ կայքի՝ վերջինս հետախուզվում է ՀՀ քրեական օրենսգրքի 436-րդ հոդվածի 1-ին մասի, (այն է՝ կաշառք տալը մի խումբ անձանց կողմից նախնական համաձայնությամբ) և ՀՀ Քր. օր-ի 549-րդ հոդվածի 3-րդ մասի (այն է՝ իշխանազանցությունը կամ իշխանությունը չարաշահելը, որն անզգուշությամբ առաջացրել է մարդու առողջությանը ծանր վնասի պատճառում) հատկանիշներով։
Աղբյուրի տեղեկություններով՝ Գրիգորի Խաչատուրովը գեներալ-գնդապետ, ՀԱՊԿ նախկին գլխավոր քարտուղար Յուրի Խաչատուրովի տղան է, ով կոչումով գեներալ-մայոր է։
