«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանի գրառումը․
«Անօդաչու թռչող սարքերը փրկարարական աշխատանքներում։ Վիետնամի Դակ Լակ նահանգում ջրհեղեղի ժամանակ ծառի վրա մնացած մարդուն փրկելու համար անօդաչու թռչող սարք է օգտագործվել։
Այս շաբաթվա սկզբին Վիետնամում ուժեղ և երկարատև անձրևներ են տեղացել, որոշ շրջաններում մինչև 1700 մմ տեղումներ են գրանցվել, համեմատության համար Հայաստանի միջին տարեկան տեղումների քանակը կազմում է 590մմ: Ստացվում է շաբաթվա ընթացքում նշված շրջաններում թափվել է ՀՀ տարեկան տեղումների քանակից երեք անգամ ավել տեղումներ:
Վերջին տվյալների համաձայն՝ ջրհեղեղի հետևանքով զոհվել է 55 մարդ, իսկ 13-ը դեռևս անհետ կորած են համարվում»։
