ՀՀ կառավարության որոշմամբ, 17.5 մլն դրամ է հատկացվել՝ նոյեմբերի 21-ից 22-ը Բաքվում կայանալիք կլոր սեղան-քննարկմանը հայկական կողմից 5 փորձագետի մասնակցությունն ապահովելու նպատակով Երևան-Բաքու և Բաքու-Երևան չարտերային թռիչք կազմակերպելու համար:
«Կլոր սեղան քննարկմանը մասնակցելու միջոցով կակտիվանան հայ և ադրբեջանական քաղհասարակությունների ներկայացուցիչների շփումները և կձևավորվեն երկու պետությունների հասարակությունների միջև վստահության կառուցման մեխանիզմներ»,- նշված է որոշման հիմնավորումների մեջ:
Հիշեցնենք՝ նախորդ ամիս էլ ադրբեջանցի փորձագետներն էին ժամանել Հայաստան։
Լուսանկարում՝ հայ և ադրբեջանցի փորձագետները հանդիպում են ԱԽ քարտուղարի հետ։
