Նուբարաշենի աղբավայրում քաղաքացու դի է հայտնաբերվել. Radar Armenia-ին տեղեկացրին ՆԳՆ-ից։
«Ժամը 9։45-ին հաղորդում է ստացվել, որ աշխատողները նկատել են սարից իջնող տղամարդու, որը ընկել է և, հնարավոր է, մահացել։ Մեկնած շտապօգնության խումբը արձանագրել է դեռևս անհայտ անձի մահը»,-ասացին նախարարությունից՝ ընդգծելով՝ այս պահին ոստիկանության խմբերը տեղում են և կազմված փաստաթղթերը փոխանցվել են քննչական։
