Հանրային ծառայությունները կարգավորող հանձնաժողովը որոշում կայացրեց դադարեցնել ՀԷՑ-ի բաշխման լիցենզիան։
ՀԾԿՀ անդամներից դեմ քվեարկեց միայն Արա Նռանյանը։
Նա ներկայացրեց հատուկ դիրքորոշումը՝ շեշտելով, որ այդ վարույթը պետք էր կարճել կամ կասեցնել՝ հաշվի առնելով այն հանգամանքը, որ ՍԴ-ում և Վարչական դատարանում գործեր կան, որոնք ուղղակի ազդեցություն են ունենալու գործընթացի վրա։ «Եթե ՍԴ-ն որևէ կետով օրենսդրական փոփոխությունները Սահմանադրությանը հակասող ճանաչեց, ապա այս ողջ գործընթացը կարող է դառնալ հակասահմանադրական»,- ասաց նա։
