Հասարակություն
Պետրոս Պետոյանը և Տարոն Մարգարյանը մասնակցում են «Smart City Expo World Congress 2025» համաժողովին (ՏԵՍԱՆՅՈՒԹ)
Կենտրոն վարչական շրջանի ղեկավար Պետրոս Պետոյանը և Երևանի քաղաքապետարանի աշխատակազմի վերահսկողության վարչության պետ Տարոն Մարգարյանն այս օրերին մասնակցում են «Smart City Expo World Congress 2025» միջազգային համաժողովին` Բարսելոնայում:
Այդ մասին հայտնում են Երևանի քաղաքապետարանից։
Այն համարվում է աշխարհի ամենամեծ և ազդեցիկ միջոցառումը՝ նվիրված քաղաքային նորարարություններին և «խելացի քաղաքների» զարգացմանը։
Համաժողովը միավորել է տարբեր երկրների քաղաքների ղեկավարներին, տեխնոլոգիական ընկերություններին ու մասնագետներին:
Միջոցառմանը մասնակցությունը հնարավորություն է տալիս ուսումնասիրել աշխարհի առաջատար քաղաքների փորձը և գտնել նորարարական այն մոտեցումները, որոնք կարող են կիրառելի լինել Երևանի համար՝ քաղաքային կառավարման, ենթակառուցվածքների զարգացման և երևանցիների կյանքի որակի բարձրացման ուղղությամբ։
