Հանցավոր կազմակերպության անդամների կողմից 2008-2014 թվականներին Երևան համայնքին պատկանող շուրջ 73.8 հա մակերեսով հողատարածքները հափշտակելու, առանձնապես խոշոր չափերով փողերի լվացում կատարելու վերաբերյալ նախաձեռնված քրեական վարույթի նախաքննության ընթացքում ձերբակալվել է 9 անձ: Այս մասին հայտնել է Քննչական կոմիտեի խոսնակ Կիմա Ավդալյանը։
Նա նշել է, որ վերջիններիս նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան: Radar Armenia-ին ՔԿ-ից տեղեկացրել են, որ գործի շրջանակներում Վահան Քերոբյանին ևս կալանավորելու միջնորդություն է ներկայացվել դատարան:
