21-ամյա չեխուհի Նատալի Պուշկինովան դարձել է «Միսս Երկիր 2025» գեղեցկության մրցույթի հաղթողը։ Եզրափակիչ փուլը կայացել է նոյեմբերի 5-ին՝ Ֆիլիպինների Պարանյակե քաղաքում, որտեղ նա գերազանցել է Չիլիի, Բրազիլիայի, Ուկրաինայի և Ֆիլիպինների ներկայացուցիչներին։
Այս տարի մրցույթին մասնակցել է 82 գեղեցկուհի աշխարհի տարբեր երկրներից։ Բացի արտաքին հմայքից և բեմական ելույթներից, ժյուրին գնահատել է նաև մասնակիցների բնապահպանական ծրագրերը։ Յուրաքանչյուր մրցակից ներկայացրել է նախաձեռնություն, որը կարող է նպաստել բնության պահպանությանը։
Նատալիի պատմությունը հանդիսատեսին խորապես հուզել է. 16 տարեկանում նա կորցրել է հորը, ինչն ամբողջությամբ փոխել է նրա կյանքը։ Մոդելը ակտիվորեն հանդես է գալիս սննդային թափոնների նվազեցման և երիտասարդության շրջանում էկոլոգիական նախաձեռնությունների խթանման օգտին։ Նրա հաղթանակը ևս մեկ անգամ ընդգծում է, որ «Միսս Երկիր» մրցույթը վաղուց արդեն գեղեցկության՝ ոչ միայն արտաքին, այլև ներքին արժեքների գնահատման հարթակ է։
