ՔԿ-ն մանրամասներ է հայտնել Ծափաթաղում 3-ամյա Տիգրանի սպանությոնից։
«Ծափաթաղում անհետացած 3-ամյա երեխայի սպանության դեպքի առթիվ նախաձեռնված քրեական վարույթի նախաքննության ընթացքում կատարվել է դիակի արտաքին զննություն:
Դիակի մարմնի, գլխի շրջանում հայտնաբերվել են մարմնական վնասվածքներ:
Նախաքննության ընթացքում նշանակվել է դիակի դատաբժշկական փորձաքննություն:
Մեկ անձի նկատմամբ հարուցվել է հանրային քրեական հետապնդում՝ Քրեական օրենսգրքի 155-րդ հոդվածի 2-րդ մասի 3-րդ, 5-րդ և 9-րդ կետերով (սպանությունը):
Վերջինս ձերբակալվել է»,- հայտնում են ՔԿ-ից:
Հիշեցնենք՝ այսօր ՆԳ նախարար Արփինե Սարգսյանը հայտարարել էր, որ երեխայի հայրը խեղդամահ անելով սպանել է փոքրիկին։
