3-ամյա երեխայի առերևույթ սպանություն կատարած անձը կալանավորվել է, Radar Armenia-ն տեղեկացավ Քննչական կոմիտեից։
Ավելի վաղ Ծափաթաղում սպանված 3-ամյա Տիգրանի հորը՝ Արմեն Օվանեսովին կալանավորելու միջնորդություն էր ներկայացվել դատարան։
Հիշեցնենք՝ հոկտեմբերի 27-ից անհետ կորած 3-ամյա Տիգրանի մարմինը հայտնաբերվել էր երեկ՝ նոյեմբերի 2-ին՝ ժամը 15։00-ի սահմաններում, Ծափաթաղ բնակավայրի հարակից դաշտամիջյան հատվածում։
Իսկ ՆԳ նախարար Արփինե Սարգսյանն այսօր տեղեկացրել էր, որ երեխային սպանել է հայրը՝ խեղդամահ անելով։
ՔԿ-ից էլ ավելի ուշ հայտնել էին, որ դիակի մարմնի, գլխի շրջանում հայտնաբերվել են մարմնական վնասվածքներ: Մեկ անձ ձերբակալված է։
