Երևանում հուշարձանի տեսքը փակող գովազդային վահանակները հեռացվել են ակտիվիստ Էդուարդ Հայրումյանի առաջարկից հետո։
Երկու օր առաջ Երևանի քաղաքապետարանի Active Citizen հավելվածի միջոցով ներկայացված դիմումի մերժումից հետո քաղաքացին ֆեյսբուքյան գրառմամբ դիմել է Երևանի քաղաքապետ Տիգրան Ավինյանին՝ խնդրելով հանձնարարել, որպեսզի հեռացնեն հուշարձանի տեսքը փակող գովազդային վահանակները։
Ավելի ուշ Երևանի քաղաքապետի տեղակալ Սուրեն Գրիգորյանը նույն գրառման մեկնաբանություններում հրապարակել է արդեն իսկ հանված վահանակներով լուսանկար։
Քաղաքացին շնորհակալություն է հայտնել առաջարկն ընդունելու և Երևանի քաղաքային միջավայրը բարելավելու պատրաստակամության համար՝ գրելով․ «Շնորհակալ եմ առաջարկս ընդունելու և մեր քաղաքը մի քիչ ավելի լավը դարձնելու համար»։
