Հոկտեմբերի 23-ին Գյումրու համայնքապետարանի 3 աշխատակից է ձերբակալվել։ Ձերբակալվածների շարքում է ԱԺ «Քաղաքացիական պայմանագիր» խմբակցության պատգամավոր Կարեն Սարուխանյանի զոքանչը՝ Վարդուհի Փիլոյանը, որն աշխատում է Գյումրիի քաղաքապետարանի կրթության վարչությունում։
Թեմայի շուրջ Radar Armenia-ն զրուցել է Կարեն Սարուխանյանի հետ։
-Ձեր զոքանչի ձերբակալությունը սպասելի՞ էր։
-Անսպասելի էր, քանի որ, ըստ իմ տեղեկությունների, պարտադրանքով և ստիպելով է ինչ-որ գործառույթներ իրականացրել, որը միանշանակ կպարզի քննությունը։
-Ի՞նչ գործ ուներ նա քաղաքապետարանում, նա Ղուկասյանի կողմնակի՞ցն է։
-Իհարկե, ոչ, Վարդան Ղուկասյանին պաշտպանելու համար չի եղել այդ ամենը։ Նա համայնքային ծառայող է` կրթության բաժնի առաջատար մասնագետի ԺՊ՝ դեռ 2019թ.-ից։
-Դուք որևէ կերպ փորձե՞լ եք տեղեկանալ կամ միջամտել քննությանը։
-Իհարկե, ոչ։
-Իսկ ինչո՞ւ չեք միջամտել։
-Վստահում եմ մեր իրավապահ համակարգին և առհասարակ միջամտելու որևէ իրավասություն չունեմ։
-Նա անդամակցու՞մ է որևէ կուսակցության։
-Այո մեր կուսակցության անդամ է։
-Այսինքն, որևէ դեր չի՞ կատարել կուսակցության անդամ լինելը։
-Իհարկե, որևէ դեր չի կարող կատարել, օրենքի առաջ բոլորն են հավասար։ Մնացածն արդեն իրավապահների տիրույթում է։
Լիլիթ Աբրահամյան
