Հասարակություն
Խոտ-Որոտան 10.3կմ երկարությամբ ճանապարհի շինարարությունն ավարտական փուլում է (ԼՈՒՍԱՆԿԱՐՆԵՐ)
Այսօր, 10:20
«Ճանապարհային դեպարտամենտ» հիմնադրամից հայտնում են, որ պետական ֆինանսավորմամբ վերակառուցվող Խոտ-Որոտան 10.3կմ երկարությամբ ճանապարհի շինարարությունն ավարտական փուլում է։ Շինաշխատանքների ընթացքում խնդիրներ էին առաջացել մոտ 8-րդ կմ հատվածում, որտեղ սողանքներ էին տեղի ունենում, ինչի հետևանքով էլ շինարարությունը երկարաձգվել էր։ Վերացվել է սողանքային վտանգը, և ճանապարհի 2կմ երկարությամբ տեղամասում նույնպես տեղադրվել է ասֆալտբետոնե ծածկ։
Այսպիսով՝ ճանապարհն ամբողջ երկարությամբ ասֆալտապատվել է։
Առաջիկայում ճանապարհի նշված հատվածը ևս կահավորվելու է անվտանգության տարրերով։
