Կարգալույծ արված Տեր Արամ քահանա Ասատրյանը նախազգուշացրել է, որ չփորձեն պրովոկացիա անել ու Հովհանավանք այլ հոգևորականի ուղարկել։ «Ոչ միայն ես թույլ չեմ տալու, իմ թույլ տալ-չտալը երկրորդական է, այլ ժողովուրդը թույլ չի տալու։ Եւ ասում եմ, որ ականջներին օղ անեն, որովհետև այս ժամանակ դեպքերից հետո եթե փորձեր անեն, ժողովրդի ուժը կզգան»,- ասել է նա։
Ասատրյանը նշել է, որ այդ հայտարարությունն անելուց առաջ ժողովրդի «հաստատումն է» ունեցել. «Ես կատակ չեմ անում, և շարունակության համար ասում եմ՝ զգույշ լինեն»։
Նա կոչ է արել հետևել իրադարձությունների զարգացմանը. «Այնպիսի տեղեկություններ են շուտով լինելու համացանցում, որ այն մարդիկ, որ վատ բաներ են գրում թեկուզ իմ հասցեին, հենց այդ մարդիկ էլ փորձելու են արդարացնել»։
