Ավստրալիայի անապատում կարծես տիեզերքից ընկած «անհյուրընկալ այցելու» է հայտնվել։ Հոկտեմբերի 18-ին՝ շաբաթ օրը, Արևմտյան Ավստրալիայում գտնվող հանքավայրի աշխատողները ճանապարհի եզրին նկատել են հսկայական, դեռ ծխացող մետաղական բեկոր։ Դեպքը հետաքրքրել է և՛ ոստիկանությանը, և՛ Ավստրալիայի տիեզերական գործակալությանը, որը հայտնել է, որ նախատեսում է «տեխնիկական ուսումնասիրություն՝ բեկորի ծագումը ճշտելու համար»։
Նախնական տվյալներով՝ առեղծվածային բեկորը պատրաստված է ածխածնային մանրաթելերից և, ամենայն հավանականությամբ, հրթիռի մաս է։ Ըստ ստացված տեղեկությունների՝ բեկորը տիեզերական աղբ է և կարող է պատկանել չինական Jielong 3 (Smart Dragon 3) հրթիռին։
Թեև դեռևս քիչ տեղեկություն կա Jielong 3-ի կոնկրետ բաղադրիչների չափերի և զանգվածի մասին, Լանգբրուեկը վստահ է, որ այս առեղծվածային բեկորը ամենահավանական թեկնածուն է չինական հրթիռի մնացորդ լինելու համար։
