Հասարակություն
Նախագծով առաջարկվում է ստեղծել աշխատանքային վեճեր քննող հանձնաժողով. Սարգսյան
Այսօր, 11:32
«Երբ լինում է աշխատանքային վեճ, աշխատողը դիմում է դատարան։ Նախագծով առաջարկվում է, որ աշխատողը ոչ միայն դիմի դատարան, այլև աշխատանքային վեճերը քննող հանձնաժողով, որտեղ աշխատողը կբարձրաձայնի իր խնդիրների մասին»,- ասել է ՀՀ աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանն ասուլիսին։
Նա ընդգծել է՝ հանձնաժողովին կարող են դիմել նաև գործատուները, եթե ունեն խնդիրներ աշխատողների հետ. «Սա հնարավորություն կտա ավելի արագ հանգուցալուծել խնդիրները։ Այս ամենը լինելու է անվճար»,-ասել է նա և ընդգծել՝ այս պահին նախագծի շուրջ տեղի են ունենում քննարկումներ։
