ՀՀ վարչապետ Նիկոլ Փաշինյանը հայտարարել է, որ Հայաստանում քարի դեֆիցիտ կա։
«Սա այն դեպքում, երբ Հայաստանի մասին ամեն երրորդ նախադասության մեջ ասում ենք «քարերի երկիր Հայաստանը»։ Հետո պարզվեց՝ մեր համայնքներում սուբվենցիոն ծրագրեր իրագործելու համար քար ենք ներկրում արտերկրից»,- ասել է նա։
Ըստ վարչապետի՝ քարի մշակման ու արդյունահանման ոլորտում անելիքներ ունենք. «Հայաստանի 60 տոկոսը երևի տուֆից է պատրաստված, բայց տուֆին մեր հարգանքի տուրքը նորմալ չենք մատուցում, և տուֆի արձան կամ մոնումենտ չունենք նույնիսկ։ Որոշեցինք առաջիկայում Արթիկ համայնքի հետ այս բացը լրացնենք»։
