ՆԳՆ Քրեական ոստիկանության ծառայողները ոստիկանության մյուս ստորաբաժանումների աշխատակիցների հետ ձեռնարկած համագործակցված լայնածավալ օպերատիվ-հետախուզական միջոցառումների շնորհիվ հայտնաբերել և համայնքային ոստիկանության Վաղարշապատի բաժին են ներկայացրել մեկ անձի, ով խոստովանել է, որ Մերձավանում ինքն է կրակոցներ արձակել 3 անձանց ուղղությամբ, ինչի հետևանքով 2-ը մահացել էին, իսկ 1-ը ստացել էր հրազենային վնասվածք: Այս մասին հայտնում է Ներքին գործերի նախարարի մամուլի քարտուղար Նարեկ Սարգսյանը։
«Հանցագործության գործիք հանդիսացող հրազենը հայտնաբերվել է: Կտրվի լրացուցիչ տեղեկատվություն»,- տեղեկացրել է նա:
Մերձավանում կրակոցների հետևանքով սպանվել էին Փարաքարի համայնքապետ Վալոդյա Գրիգորյանը և ոստիկան Կարեն Աբրահամյանը, վիրավորվել էր Արծրուն Գալստյանը։
