Հասարակություն
Սեպտեմբերի 2-ին Երկրի վրա կանխատեսվում են ուժեղ մագնիսական փոթորիկներ․ Ազիզյան
«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը ֆեյսբուքյան իր էջում գրում է․
«Սեպտեմբերի 2-ին Երկրի վրա կանխատեսվում են ուժեղ մագնիսական փոթորիկներ։
Արեգակի սկավառակը (Ալկոր աստղադիտակ, 33x)
2025թ․ օգոստոսի 31-ին, ժամը 07:20-ին (UT)
Մինչ մասնագետների ուշադրությունը կենտրոնացած էր 4197 բծերի մեծ խմբի վրա, մեկ այլ խումբ՝ 4204-ը, նախորդ օրը՝ ժամը 20:02-ին (UT), արձանագրել է M2.7 բռնկում։
Այս ակտիվ շրջանը ուղղված է մեր մոլորակին։ Ըստ Ռուսաստանի ԳԱ տիեզերական հետազոտությունների ինստիտուտի արեգակնային աստղագիտության լաբորատորիայի կանխատեսումների՝ արեգակնային պլազմայի արտանետման ազդեցությունը կզգացվի հաջորդ 48-72 ժամվա ընթացքում։
Գեոմագնիսական ճշգրիտ կանխատեսումը կհրապարակվի այսօր կեսօրին։
Նախնական տվյալներով՝
ամենահուսալի մակարդակը՝ G3 (ուժեղ փոթորիկ) վերջին անգամ դիտվել էր շուրջ 3 ամիս առաջ,
G4 (շատ ուժեղ փոթորիկ) մակարդակի հասնելու հավանականությունը՝ մոտ 20%,
G5 (ծայրահեղ ուժեղ) փոթորիկների հավանականությունը՝ գործնականում բացառված է (<1%)։
