ԲԴԽ մամուլի խոսնակ Ծովինար Խաչատրյանը Radar Armenia-ի հետ զրույցում հերքեց դատավոր Արգիշտի Ղազարյանին բերման ենթարկելու մասին լուրերը։
Հիշեցնեն, որ ավելի վաղ Հակակոռուպցիոն կոմիտեից Radar Armenia-ին հայտնել էին, որ «Դատական իշխանության ներկայացուցիչների բնակարաններում և աշխատասենյակներում խուզարկություններն իրականացվել են առանձնապես խոշոր չափերով կաշառք ստանալու փաստի առթիվ նախաձեռնված քրեական վարույթի շրջանակներում»։
Մեր տեղեկություններով, քրեական վարույթի շրջանակներում խուզարկություններ են իրականացվել դատավորներ Արգիշտի Ղազարյանի, Մհեր Պետրոսյանի և Լուսինե Բոյաջյանի աշխատասենյակներում ու բնակարաններում։
