ՀՀ պաշտպանության նախարար Սուրեն Պապիկյանն այսօր ԱԺ պատգամավոր Արփի Դավոյանի և Ստեփանավան համայնքի ղեկավար Արմեն Գրիգորյանի հետ շրջել է Ստեփանավան քաղաքում, հանդիպել ու զրուցել համաքաղաքացիների հետ:
«Երեկոյան Ստեփանավանում «Արենա Լոռի» միջազգային փառատոնի շրջանակում, որն առաջին անգամ է անցկացվում, ներկա եմ եղել «Անուշ» օպերայի բեմադրությանը։
Ի դեպ, Ալ. Սպենդիարյանի անվան օպերայի և բալետի ազգային ակադեմիական թատրոնի թատերաշրջանի բացումը երեկ էր՝ օգոստոսի 28-ին, Արամ Խաչատրյանի «Դիմակահանդես» բալետով (ք. Ստեփանավան)։
Մշակութային նման միջոցառումները մեր կյանքում կարևոր են, և նման նախաձեռնությունները ոչ միայն հարստացնում են մեր առօրյան, այլև միավորում մարդկանց»,- գրել է Պապիկյանը։
