Հասարակություն
Շատերի համար անսպասելի էր նախարարի կողմից ստեղծված դրական ու անմիջական աուրան. խոսնակ
ԱՆ մամուլի խոսնակ Մարիամ Ծատրյանն անդրադարձել է Ուռուցքաբանության ազգային կենտրոնի տնօրենի ընտրություններին։
«ԱՆ Ուռուցքաբանության ազգային կենտրոնի տնօրենի` 10:30-ից-19:30-ը տևած ընտրությունն ամփոփել, թե հաղթել է «նախարարի սրտի թեկնածուն» և «մրցույթը ձևական էր», շաաա՜տ մեղմ ասած անբարեխղճություն է:
Իմ գործընկեր լրատվամիջոց-դիտորդների հետ համատեղ հետևել ենք մրցույթին` անխափան հեռարձակմամբ, խաղաղ մթնոլորտում, հաճախ նաև` քննարկումով: (Կեսօրից հետո արդեն հումոր էի անում, որ երևի մեկ էլ էսպես Հռոմի պապ են ընտրում ):
Այո, շատերի համար զարմանալի էր գուցե երկարաձիգ ժամերը, խորքային ու մանրակրկիտ հարցերը, շատերի համար անսպասելի էր նախարարի կողմից քննասենյակում ստեղծված դրական ու անմիջական աուրան, հնարավորությունների ստեղծումը, մարդկային պարզ շփումը, մասնակիցներին ավելորդ լարումից թոթափելը (ես չեմ ուզում խոսնակի դիրքերից սա արձանագրել, թող մասնակիցները կամ դիտորդներն ասեն)...
Բայց ախր քննադատությունը, բողոքը, դիտարկումը պիտի լինի էմոցիոնալ դաշտից ու ընալումներից, նախատրամադրվածությունից անդին` գրավոր, փաստահեն, հիմնավոր»,- գրել է նա:
