Հասարակություն
Նույնականացման քարտի համար կենդանի հերթով սպասարկվելու հնարավորություն Երևանում
ՀՀ ՆԳՆ-ն տեղեկացնում է, որ ոչ միայն ՆԳՆ ՄՔԾ մարզային, այլև Երևան քաղաքի ստորաբաժանումներում նույնականացման քարտի համար կարող եք դիմել կենդանի հերթի ձևաչափով։ Համակարգը հստակ քանակությամբ կտրոններ է տրամադրում՝ հաշվի առնելով թողունակությունը։
«ՆԳՆ միգրացիայի և քաղաքացիության ծառայությունը նման տարբերակով հոգում է, որպեսզի նույն օրվա ընթացքում սպասարկման անհնարինության դեպքում տարածքային բաժիններում կուտակումներ չառաջանան։ Տեղեկացնում ենք նաև, որ ՆԳՆ Միգրացիայի և քաղաքացիության ծառայության տեխնիկական մասնագետները պարբերաբար ուսումնասիրում են էլեկտրոնային հերթագրման հարթակը։
Արդյունքները ցույց են տալիս, որ քաղաքացիներից շատերը գրանցվում են նույնականացման քարտի դիմում ներկայացնելու համար, սակայն, չսպասելով հերթագրման օրվան, դիմում են ՄՔԾ տարածքային մեկ այլ ստորաբաժանում և սպասարկվում կենդանի հերթի ձևաչափով։
Տեղեկացնում ենք, որ տվյալ պարագայում ծառայությունը չեղարկում է հերթագրումները և ծանուցում քաղաքացիներին։ Խրախուսում ենք սեփական նախաձեռնությամբ չեղարկել ավելորդ ամրագրումները՝ մյուս քաղաքացիներին առավել շատ ազատ պատուհաններ տեսնելու հնարավորություն տալով։
Հիշեցնում ենք, որ տարեկան եկամուտների հայտարարագիր ներկայացնելու համար պահանջվում է նույնականացման քարտ (ID card), որի համար անհրաժեշտ է դիմել նախօրոք»,- ասվում է հաղորդագրությունում։
