Հասարակություն
Հայաստանի քաղաքացիները 2018 թվականի համեմատ 50%-ով լավ են ապրում. վարչապետ (ՏԵՍԱՆՅՈՒԹ)
«Նախորդ շրջանում, մասնավորապես, բյուջեի կատարողականի քննարկման ժամանակ, ես միջին աշխատավարձերի և աշխատատեղերի համեմատություն արեցի և արձանագրեցի, որ Հայաստանի քաղաքացիները 2018թ․ համեմատ առնվազն 50%-ով լավ են ապրում»,-հայտնել է վարչապետ Նիկոլ Փաշինյանը Կառավարության նիստի ժամանակ։
Նրա խոսքով՝ 2025թ․ օգոստոսի 8-ի դրությամբ Հայաստանը բարեկեցության պատմականորեն ամենաբարձր կետում է. «Ընդ որում, սա չեմ ասում որպես որևէ արտառոց բան, քանի որ ցանկացած զարգացման տրամաբանությունն այն է, որ ամեն հաջորդ տարվա որևէ կետում ունենանք բարեկեցության ամենաբարձր աստիճանը»։
Վարչապետը նաև նշել է, որ ռեզիդենտ համարվող քաղաքացիների բանկային ավանդները և հաշիվները 2017թ. համեմատ աճել են 141%-ով․ ֆիզիկական անձանց դեպքում այն աճել է 125%-ով, իրավաբանական անձանց դեպքում՝ 175%-ով։
