Հասարակություն
Կծված կարագ առնող մարդը գալիս է կառավարություն՝ աշխատանքի. վարչապետ (ՏԵՍԱՆՅՈՒԹ)
«Պետական բյուջեն ծախսվում է այնքան էֆեկտիվ, ինչքան մեզանից յուրաքանչյուրի ընտանեկան բյուջեն․ ոչ մի տարբերություն։ Պետական բյուջեն մեծ մարմին է․ այնտեղ լինում է և՛ անարդյունավետ ծախս, և՛ անորակ գնում»,-Կառավարության նիստում ասել է վարչապետ Նիկոլ Փաշինյանը։
«Լինում է՝ ասում են՝ տեսեք, պետությունը... Ճիշտ են ասում, և մենք դրա դեմ պայքարում ենք։ Երբ գնում ենք շուկա, քանի՞ անգամ է լինում՝ ընտանիքի անդամներից մեկը բերում է, ասում ենք, այս ի՞նչ ձմերուկ, պոմիդոր է, այս հավից հոտ է գալիս, կծված կարագ է։ Եղել է՞, իհարկե, կան նման դեպքեր»։
Ըստ նրա՝ այս դեպքերը եզակի չեն. «Հիմա էդ կծված կարագ առնող մարդը գալիս է կառավարություն՝ աշխատանքի»։
Վարչապետի խոսքով, այդ կապը պետք է խորությամբ հասկանալ. «Ինչքան նոր տարվա ծախսերը կրճատում ենք, արդյունքում թափվող սնունդը կա, Նոր տարվա անբաժանելի կոմպոնենտ է»։
