Գյումրիի համայնքապետ Վարդան Ղուկասյանը, որ պաշտոնավարման 100 օրվա առթիվ ասուլիս է հրավիրել, Շիրակի թեմի առաջնորդ Միքայել Աջապահյանին կալանավորելու դեմ պայքարելու մասին հարցին ի պատասխան ասել է, թե ինքը տարբեր մեթոդների պատրաստ է։
«Պայքարի տարբեր մեթոդներ կան, իսկ ես էնքան հզոր մարդ եմ, որ գիտեմ, թե ինչ պետք է անեմ, որտեղ պետք է անեմ ու որ ժամանակ։ Եթե պետք եղավ, որ ես պետք է փողոցային կռիվ անեմ, ես լավ էլ կարող եմ կռվել փողոցում, ես դրա մասնագետներից եմ, ասեմ քեզ, մի դու մտածի, կտեսնես ինձ առաջնային դիրքերում։ Երբ եկավ առիթը, հասավ, ես բաքսյոռներից լավ կռիվ կարող եմ անել, ես 10 հոգու կարող եմ հետները կռվել, հիշի։
Եթե եկավ, հասավ էդ ժամանակը, որ պիտի ձեռնամարտի կբռնվեմ, բայց ես գտնում եմ, որ իմ հասակի մարդն էդպիսի բան իրավունք չունի անելու։ Ես գիտեմ, ինչ ճանապարհներով կարելի է պայքարել»,- ասել է Ղուկասյանը՝ հորդորելով սա Գյումրիի հումոր ընդունել։
